2024 онд Монгол Ардын Намын даргаар сонгогдсон. Тэрээр УИХ-ын гишүүн болон Засгийн газрын гишүүний албыг хашиж байсан туршлагатай улс төрч бөгөөд намын удирдах түвшинд идэвхтэй ажиллаж ирсэн.

Монгол Ардын Нам-ын Удирдах Зөвлөл нь намын бодлого, стратегийг тодорхойлох, хэрэгжилтийг зохион байгуулах чиг үүрэг бүхий төв удирдах байгууллага юм. Тус зөвлөл нь намын Их хурал болон Бага хурлын шийдвэрийг хэрэгжүүлэх, улс төрийн нөхцөл байдалд үнэлэлт дүгнэлт өгөх, бодлогын чиглэлийг тодорхойлох, бүтэц зохион байгуулалтыг удирдан чиглүүлэх үүргийг хэрэгжүүлэн ажилладаг.

Хяналтын Ерөнхий Хороо нь намын дүрэм, мөрийн хөтөлбөр, бодлогын хэрэгжилтэд хяналт тавих үндсэн чиг үүрэг бүхий байгууллага юм. Тус хороо нь намын байгууллагууд болон удирдах албан тушаалтнуудын үйл ажиллагаа дүрэм журамд нийцэж байгаа эсэхийг хянах, санхүүгийн сахилга бат, ил тод байдлыг хангах, зөрчил маргааныг шийдвэрлэх, хариуцлага тооцох асуудлыг хэлэлцэн шийдвэрлэж ажилладаг.

Намын Ажлын алба нь намын өдөр тутмын үйл ажиллагааг зохион байгуулах, бодлого шийдвэрийн хэрэгжилтийг хангах, дотоод уялдаа холбоог зохицуулах үндсэн чиг үүрэг бүхий бүтэц юм. Тус алба нь удирдах байгууллагын шийдвэрийг хэрэгжүүлэх, зохион байгуулалт, хүний нөөц, мэдээлэл, олон нийттэй харилцах ажлыг хариуцан ажилладаг.

Улсын Их Хурлын гишүүд нь Монгол Улсын ард иргэдийг төлөөлөн хууль тогтоох эрх мэдлийг хэрэгжүүлэгч, төрийн дээд байгууллагын бүрэлдэхүүнд сонгогдон ажиллаж буй төлөөлөгчид юм. Тэд хууль санаачлах, хэлэлцэх, батлах, төрийн бодлого боловсруулах, Засгийн газрын үйл ажиллагаанд хяналт тавих үндсэн чиг үүргийг хэрэгжүүлдэг.