Тэртээ 100 жилийн өмнө түүхэнд “анхны долоо” гэж алдаршсан идэр насны долоон залуу бүрэн эрхт, тусгаар Монгол улсыг бий болгохыг хүсэн мөрөөдөж, Монгол Ардын Намыг үндэслэн байгуулж байсан түүхтэй. Энэ аугаа түүх бол өнгөрсөн 100 жил дэх Монгол Улсын хөгжил, их бүтээн байгуулалтын замнал мөн. Өнөөгийн бидний амьдарч буй тусгаар тогтносон, эрх чөлөөт нийгэм тэдний үнэн сэтгэлээр цуцашгүй тэмцсэний ач гавьяа билээ. Анхны долоо Монгол улсынхаа төлөө чин хүсэл эрмэлзлээрээ жигүүрлэн тэмцсэн шиг илүү гэгээлэг, сайхан Монгол улсыг өөрсдийн үр хойчдоо бүтээж, өвлүүлэн үлдээх нь өнөөгийн залуу үе бидний үүрэг, хариуцлага юм.
Монгол Ардын Намын дэргэд эрхэм зорилго, хөтөлбөрийг хэрэгжүүлэхэд өөрийн гишүүдээ оролцуулах, дэмжих, намын үзэл баримтлал, үйл хэргийг сурталчлан таниулах, судалгаа шинжилгээ хийх, иргэдэд тустай олон нийтийн ажилд оролцох чиглэлээр төрийн бус байгууллагууд үйл ажиллагаа явуулж байна.
