УИХ-ын гишүүн, Монгол Улсын Их Хурлын Хууль зүйн байнгын хорооны дарга Д.Цогтбаатар, Монгол Ардын Намын Гадаад харилцааны хэлтсийн дарга С.Өлзийжаргал нар Улс төрийн намуудын Олон Улсын Симпозиумд өнгөрсөн дөрөвдүгээр сарын 28-ны өдөр ОХУ-ын Москва хотноо зохион байгуулагдсан дээд хэмжээний арга хэмжээнд оролцлоо. 

Уг симпозиумд Дэлхийн II дайнд ялсны болон Нэгдсэн Үндэсний Байгууллага (НҮБ) байгуулагдсаны 80 жилийн ой тус тус тохиож байгаатай холбоотой 30 гаруй орны улс төрийн намын төлөөлөгчид оролцсон байна. ОХУ-ын Аюулгүйн зөвлөлийн орлогч дарга, Нэгдсэн Орос Намын дарга Дмитрий Анатольевич Медведев арга хэмжээг нээж үг хэллээ. 

Мөн “Нэгдсэн Орос” Намын Ерөнхий зөвлөлийн нарийн бичгийн дарга, ОХУ-ын Холбооны Хурлын Холбооны Зөвлөлийн нэгдүгээр орлогч дарга Владимир Владимирович Якушев төлөөлөгчдөд хүндэтгэл үзүүлэн мэндчилгээ дэвшүүлэв.  УИХ-ын гишүүн Д.Цогтбаатар уг симпозиумын нэгдсэн хуралдааны үеэр үг хэллээ.